Vertu memm

Markaðurinn

Allar stærðir og gerðir af humri á lager hjá Humarsölunni

Birting:

þann

Hornafjarðahumar

Humarsalan á allar stærðir af humri, allt frá stórum niður í smáan, bæði í skel og skelflettan, þannig að það má segja að það er ekkert humarleysi hjá Humarsölunni.

Einnig hefur Humarsalan hafið dreifingu á Fisherman Choice vörumerkinu sem sérhæfir sig í risarækjum og hörpudisk á frábærum verðum.

Síðast en ekki síst viljum við minna á frábæru laxaflökin okkar frá Premium of Iceland sem eru á 1750 kr + vsk.

 Sjá sýnishorn úr vörulista hér.

Ef þú hefur áhuga á að auglýsa hér á veitingageirinn.is, hafðu þá samband við okkur á netfangið [email protected] og við sendum til baka allar upplýsingar. ... smellið hér til að lesa fleiri fréttir og tilkynningar frá styrktaraðilum vefsins.

Markaðurinn

50 aðdáunarverðustu viskí heims

Birting:

þann

The Worlds Most Admired Whiskies 2021

Drinks International velur ár hvert „The Worlds Most Admired Whiskies“ og listar þar upp 50 aðdáunarverðustu viskí heims.

Yamazaki var krýndur sem sigurvegari og enn og aftur vekur Redbreast Irish Whiskey aðdáun um allan heim og hreppir annað sætið á þessum magnaða lista, en Írska viskíið Redbreast var einnig valið „The Worlds Most Admired Irish whiskey 2021“.

Fáanlegt í Vínbúðinni

Yamazaki er ekki fáanlegt í Vínbúðinni, en Redbreast er hægt að nálgast hér.

Redbreast 12 ára

Redbreast viskíið er sannkallað sælgæti þar sem flókið samspil Amerískra eikartunna og Olorosso Sherry tunna myndar silkimjúka bragðbombu.

Heildalistann er hægt að skoða með því að smella hér (Stærð: 8.5 mb).

Myndir: drinksint.com

Lesa meira

Markaðurinn

Um 5 þúsund kjötsúpuskammtar runnu ljúflega ofan í landsmenn – Myndir

Birting:

þann

Kjötsúpudagurinn 2021

Óhætt er að segja að líf og fjör hafi verið síðastliðinn laugardag á Skólavörðustíg þegar fyrsta vetrardegi var fagnað og veitinga- og verslunarmenn ásamt bændum buðu upp á sjö kjötsúpustöðvar um allan stíginn þar sem hver og einn hafði sína útgáfu af þjóðarrétti Íslendinga.

Sjá einnig:

Þessi veitingahús taka þátt í Kjötsúpudeginum á Skólavörðustíg

5 þúsund fjölbreyttir kjötsúpuskammtar

Áætlað er að um 5 þúsund fjölbreyttir kjötsúpuskammtar hafi runnið ofan í gesti og gangandi sem kunna vel að meta þetta árlega framtak verslunar- og veitingamanna á Skólavörðustíg með stuðningi frá íslenskum bændum.

Kjötsúpudagurinn var nú haldinn í 18. sinn og á uppruna sinn í því þegar Ófeigur Björnsson í Gullsmiðju Ófeigs og Jóhann Jónsson í Ostabúðinni leiddu saman hesta sína til að gera daginn að veruleika og vekja með því athygli á Skólavörðustíg og þeirri verslun og þjónustu sem þar er í boði.

Fyrsti vetrardagur varð fyrir valinu þar sem móðir Ófeigs hafði alltaf gert kjötsúpu þann dag. Segja má að Kjötsúpudagurinn sé ein af fyrstu sjálfssprottnu hátíðunum í miðbænum sem hefur svo sannarlega laðað að gesti og gangandi en árlega koma um tíu þúsund manns til að bragða á hinum ýmsu tegundum af íslenskri kjötsúpu.

Kjötsúpudagurinn 2021

„….ánægja með fjölbreytni á kjötsúpustöðvunum“

„Við erum í skýjunum með þennan dag og viðtökurnar sem við fengum á öllum súpustöðvunum. Það var mikið þakklæti hjá Íslendingum og erlendu ferðmönnunum sem áttu leið hjá og nú sem fyrr kláruðust allir súpuskammtarnir töluvert fyrir auglýstan lokunartíma svo fólk kann vel að meta þetta framtak.

Örlítill rigningarskúr sem kom á tímabili virtist ekki hafa mikil áhrif og var almenn ánægja með fjölbreytni á kjötsúpustöðvunum þar sem þjóðarrétti Íslendinga var gert hátt undir höfði,“

segir Gústav Axel Gunnlaugsson veitingamaður á Sjávargrillinu.

Kjötsúpudagurinn 2021

„Matarmenningin okkar er auðlind…“

„Við hvetjum auðvitað Íslendinga til að elda kjötsúpu heima á næstunni í öllum þeim útgáfum sem leynast í eldhúsum landsmanna, og fólk haldi þessari hefð okkar á lofti um ókomin ár.

Matarmenningin okkar er auðlind sem við þurfum að hlúa að og kynna fyrir ungu fólki og erlendum gestum.“

Segir Hafliði Halldórsson verkefnastjóri hjá Bændasamtökum Íslands.

Myndir: aðsendar

Lesa meira

Markaðurinn

Vinsælu hátíðarútgáfurnar frá Nóa Síríus komnar í verslanir

Birting:

þann

Vinsælu hátíðarútgáfurnar frá Nóa Síríus komnar í verslanir

Nú eru girnilegu hátíðarvörurnar frá Nóa Síríus komnar í verslanir. Um er að ræða 3 tegundir af ljúffengu Síríus rjómasúkkulaði: Með brakandi Bismark brjóstsykri, með appelsínubragði og sætu karamellukurli og svo súkkulaðistykkið með piparkökunum sem nú þegar er orðið klassískt.

„Það er alltaf mikil tilhlökkun fyrir því að hátíðarvörurnar komi á markað enda er þetta orðin ein af þeim hefðum sem okkur þykir hvað skemmtilegust,“

segir Alda Björk Larsen markaðsstjóri Nóa Síríus.

„Það er mikill metnaður lagður í framleiðsluna og sem dæmi þá eru piparkökurnar sérbakaðar, enda þarf áferðin að vera rétt auk þess sem kryddblandan þarf að parast við súkkulaðibragðið,“

bætir Alda við. Aðspurð segir hún að spenntir viðskiptavinir fari að hafa samband strax snemma á haustin til að kanna hvenær hátíðarvörurnar komi í verslanir.

„Það er til dæmis orðinn árlegur viðburður hjá mörgum saumaklúbbum að hafa sérstakt kvöld þar sem meðlimir gæða sér á hátíðarvörunum og heitu súkkulaði.“

Hátíðarvörurnar frá Nóa Síríus hafa á undanförnum árum unnið sér inn sérstakan sess hjá þjóðinni. Fyrsta varan í þessum fríða hópi, Rjómasúkkulaði með piparkökum, kom á markað fyrir jólin 2013 og Rjómasúkkulaði með Bismarkmolum leit dagsins ljós fyrir fjórum árum. Nýjasta viðbótin, Rjómasúkkulaði með appelsínubragði og karamellukurli, kom svo á markað í fyrra og vakti strax stormandi lukku. Hvort sem jólin í ár verða rauð eða hvít þá er ljóst að þau verða að minnsta kosti sæt.

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið