Vertu memm

Nýtt bakarí, veitingahús, fisk- og kjötbúð og hótel

Agnar og Xavier opna þriðja 28-50 veitingastaðinn – Myndir frá undirbúningi

Birting:

þann

Þeir félagar Agnar Sverrisson matreiðslumaður og Xavier Rousset vínþjónn vinna nú að því að opna þriðja 28°-50° veitingastaðinn í London.  28°-50° veitingastaðirnir eru staðsettir Marylebone, Fetter Lane og sá þriðji á Maddox Street í London.  Agnar og Xavier eru einnig eigendur af veitingastaðnum Texture í London sem skartar 1 michelin stjörnu.

Nýi 28°-50° veitingastaðurinn er með sæti fyrir 90 manns, á tveimur hæðum og á efri hæðinni verður sjávarréttarbar fylltur upp með klaka, þar sem fjölmargir fiskréttir verða í boði.  Líkt og á hinum 28°-50° veitingastöðunum er lögð áhersla á rólegt umhverfi með vín á boðstólnum milli þeirra breiddagráða sem mynda nafn staðarins og matseðillinn verður afgreiddur allan daginn.

Í dag og næstu 7 daga verður svokölluð „pre-open“ á nýja 28°-50° staðnum, opnunarpartý verður síðan föstu-, og laugardaginn 6. og 7. september og formleg opnun 9. september næstkomandi.

Ég verð mikið á gólfinu fyrstu vikuna í hádeginu, en það er ekki nema fimm mínútna labb á milli Texture og nýja staðsins.

…sagði Agnar Sverrisson í samtali við veitingageirinn.is aðspurður um hvort hann kæmi til með að standa vaktina.

Ég er eingöngu á Texture, en það eru góðir strákar sem sjá um nýja 28°-50°, þeir Justin kokkur sem er búinn að vera tvö ár á Texture hjá mér og svo Ed Newman þjónn sem er búinn að starfa hjá okkur í fjögur ár.

 

28-50_Maddox_Street_london_twitterHægt verður að fylgjast vel með þeim félögum í tíst glugganum hér til hægri á forsíðunni (þar sem örvarnar sýna), þar sem fjölmargar myndir ofl. birtist á hverjum degi.

Við hjá veitingageirinn.is óskum Agnari og Xavier til hamingju með nýja veitingastaðinn og óskum þeim alls farnaðar í rekstri þess.

 

 

 

Myndir og myndatexti af twitter síðu 2850Restaurant

/Smári

Taggaðu okkur á Instagram: #veitingageirinn og myndirnar birtast sjálfkrafa á forsíðunni.

 

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Nýtt bakarí, veitingahús, fisk- og kjötbúð og hótel

Nýr veitingastaður opnar á Akranesi

Birting:

þann

Grjótið er staðsett við Kirkjubraut 10 á Akranesi, þar sem Kaffi ást var áður til húsa.

Grjótið er staðsett við Kirkjubraut 10 á Akranesi, þar sem Kaffi ást var áður til húsa.

Veitingastaðurinn Grjótið opnaði nú á dögunum, en hann er staðsettur við Kirkjubraut 10 á Akranesi.

Í hádeginu er í boði réttir dagsins, t.a.m. lambalæri borið fram með bearnaise sósu, fersku salati og frönskum á 2090 kr., hamborgari með piparosti, sultuðum rauðlauk, sveppum, fersku salati, tómat, lauk og chili mæjó með frönskum kartöflum á 2090 kr. Fiskur og franskar með hrásalati og fersku salati á 2090 kr.

Grjótið býður upp á brunch allar helgar á milli klukkan 11 og 15 og er stútfullur af góðgæti, egg og beikon, pylsur, ávexti, bakaðar baunir, ofnbakaðar kartöflur, pönnukökur og sýróp, súrdeigsbrauð með osti og skinku, glas af safa og kaffi. Þess á milli er staðurinn kaffihús sem býður upp á ýmist bakkelsi og gott kaffi.

Eigandi Grjótsins er Haraldur Helgason.

Á föstudögum eru vængjadagar, BBQ-, sætir Habanero-, Buffalo-, og parmsesan hvítlauks vængir.

Opnunartími er er frá klukkan 11 – 23 og 11 – 01 föstudaga og laugardaga, en farið er eftir sóttvarnareglunum á meðan þær eru í gildi að hverju sinni.

Á Grjótinu eru tvö billiard borð, píluspjald og ýmsir íþróttaviðburðir sýndir í beinni.

Mynd: skjáskot af google korti

Lesa meira

Nýtt bakarí, veitingahús, fisk- og kjötbúð og hótel

Það var fjölskylda Hlöðvers Sigurðssonar, stofnanda Hlöllabáta sem tók við rekstri Litlu Kaffistofunnar

Birting:

þann

Litla Kaffistofan

Nú fyrir stuttu var greint frá að nýir rekstraðilar hafa tekið við Litlu Kaffistofunnar, en þá höfðu hjónin Katrín Hjaltadóttir og Svanur Gunnarsson séð um reksturinn í fimm ár. Litla kaffistofan er í eigu Olís.

Í fréttatilkynningu frá Litlu Kaffistofunnar var allt á huldu hverjir nýju rekstraðilar væru, annað en að þeir séu vel kunnugir því að reka veitingahús.

Í Viðskiptablaðinu kemur fram að það er fjölskylda Hlöðvers Sigurðssonar, stofnanda Hlöllabáta, sem hefur tekið við rekstri Litlu kaffistofunnar við Suðurlandsveg, og verður staðurinn opnaður að nýju nú í ágúst. Hann verður með svipuðu sniði og áður hefur þekkst, en fjölskyldan hyggst þó fríska aðeins upp á hann.

Elín Guðný Hlöðversdóttir, dóttir Hlöðvers, segir lykilinn að velgengni í veitingarekstri felast í að taka virkan þátt í rekstrinum sjálfur, en viðtalið við hana er hægt að lesa vefnum vb.is hér.

Mynd: facebook / Litla Kaffistofan

Lesa meira

Nýtt bakarí, veitingahús, fisk- og kjötbúð og hótel

Einn flottasti kokkur landsins opnar veitingastað á Kársnesinu

Birting:

þann

Ólafur Helgi Kristjánsson matreiðslumeistari

Ólafur Helgi Kristjánsson matreiðslumeistari.
Mynd: Bændablaðið

Í Kópavogi eða nánar tiltekið við Hafnarbraut 13B á Kársnesinu standa yfir miklar framkvæmdir, en þar mun veitingastaðurinn Brasserie Kársnes opna með haustinu.

Eigendur eru hjónin Ólafur Helgi Kristjánsson matreiðslumeistari og Sólveig Júlíana Guðmundsdóttir.

Staðurinn mun taka rúmlega 80 manns í sæti og opnunartími verður frá klukkan 11:30 til 23:00 og til 00:00 um helgar.

Brasserie Kársnes

„Þetta verður svona kósý, röff hverfisstaður fyrir Kársnesið en við viljum auðvitað fá alla í heimsókn til okkar alveg sama hvar þeir búsettir til þess að gera vel við sig í mat og drykk í þægilegu umhverfi.“

Sagði Ólafur í samtali við veitingageirinn.is.

Hádegin verða með góðum mat á sanngjörnu verði fyrir fyrirtækin í hverfinu.

Það verður opið yfir daginn þannig að fólk getur droppað inn og fengið sér kaffi eða kalda drykki, svo á kvöldin þegar fólk vill gera vel við sig, þá er farið í kósý brasserie stemningu þar sem hráefnin og vínin fá að njóta sín og verðið stillt í hófi.

Brasserie Kársnes

„Ég hef nú sagt að matarþemað verði svona skandinavian street food hvað sem það er nú,“

sagði Ólafur hress aðspurður um matargerðina á staðnum.

Ólafur er vel þekktur í veitingageiranum, enda metnaðarfullur matreiðslumeistari og hefur hefur mikla ástríðu fyrir matargerð af ólíkum uppruna. Ólafur hefur töluverða innsýn inn í mismunandi matagerð þar sem hann hefur starfað sem kokkur í Kaupmannahöfn, Skotlandi og á Íslandi.

Íslenskt hráefni frá öllum landshlutum hefur Ólafur mikinn áhuga á, en hann var alinn upp í Mývatnssveit þar sem hægt að er að vinna með mjög fjölbreytt hráefni úr náttúrunni.

Ólafur lærði fræðin sín á Perlunni og útskrifaðist árið 2001 og sem meistari árið 2012. Strax eftir útskrift í Perlunni starfaði Ólafur sem matreiðslumaður á Hótel Holti. Ólafur var rekstaraðili og matreiðslumaður í veiðihúsi við Hofsá og Selá í Vopnafirði og þaðan lá leiðin til Kaupmannahafnar og bjó þar í eitt ár og starfaði á þremur stöðum, þ.e. Den elvede bud, Era Ora (Michelin veitingastaður) og S.P.Q.R.

Starfaði sem Sous chef á fjögurra stjörnu hóteli í miðbæ Edinborgar, Radisson Blu.

Ólafur hefur verið í samstarfi við Bocuse d´Or akademíunnar hér á Íslandi, yfirkokkur á galadinner matreiðslumeistara hjá Klúbbi matreiðslumeistara árið 2018 og 2019,
þar sem hann undirbjó og stýrði kvöldinu ásamt öðrum matreiðslumönnum.

Ólafur hefur starfað á veitingastöðunum Skólabrú, Iðusölum, Arion Banka, Hótel Natura, Hótel Sögu sem yfirmatreiðslumaður svo fátt eitt sé nefnt.

„Við erum fjölskyldan í þessu saman þannig að þetta er svona fjölskyldu stemning sem verður á staðnum“

sagði Ólafur að lokum.  Veitingageirinn.is kemur til með að fylgjast vel með Brasserie Kársnes og flytja fréttir, birta myndir, matseðla ofl., fylgist vel með.

„Brasserie Kársnes er byrjað ….. kominn í gallann, greiddur og allt að gerast“

Skoðið vídeó af Brasserie Kársnes í framkvæmdum hér.

Fylgist með á Instagram: Brasserie Kársnes

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið